ودعتك الله ياليل ٍ سرى قاسي
في خاطر الصادق اللي كذّب احساسه
ماني بناسي ولا حتى بمتناسي
وقتٍ قساته تنسيني تونناسه
ياجعل ماراح من عمري فدى راسي
عسره ويسره وبدت خيروباسه
وفداه يوم أحتري ويخيل هوجاسي
ربيع عمرٍ بخل حتى بنسناسه
اهدّي اعصاب راسي واطرب احساسي
بانغام قيضٍ طيوره تقرع أجراسه
وافرح بروحٍ تجرّع كاس الاتعاسي
على حرات السراب وطرد وسواسه
هذى حياتي وانا هذا وذا باسي
تعب ومتعب وصبرٍ يلفظ انفاسه
جيت السنين العجاف وعشت متباسي
لاشلت لي قربةٍ ماقرّت الطاسه
دنياي صعبه ومعها صعبه أمراسي
أصارع الموت جوع ولا اقبل اعساسه
هذا ظلامٍ لنور الدرب طمّاسي
يا من في البرد شب بعود مقباسه
ذنبي على جنبي اللي رغب مجلاسي
ولاّ على حزمه اللي معه والباسه
الراس راسي ومنه وعنه نوماسي
والفاس مدري ياراسي هو منه فاسه
ماني بخايف ولو بيّن توجاسي
ولا ني وامن ولو تغشاني انعاسه
اللي قبل شهر صب السم في كاسي
العام جيته وشفته يبري أقواسه
وأقول صدفه واصدّق من لي ياواسي
وارمي الكوَر عند مرمىٍ ماله احراسه
واستر عيوب المكاسي حشمة الكاسي
واما رفعت العلم ماني بنكّاسه
ما ودّي الا الجبل يبقى وهو راسي
على عيونٍ حسدها يسحل أضراسه
روابع ٍ طيبه للراس نبراسي
يوم الردي ما تركله شى ما حاسه
وليا استدار الزمن لدرب الافلاسي
ذكرت لي صاحبٍ قليله اجناسه
الطيب عنوان له من بين الاقواسي
اكتبه واقراه وأدّرس به ادراسه
وأذكر الملتهم ولههّم الناسي
انه صديقي عسى الدنيا فدى راسه
