متميزاً يوم الخلايق تشابه

متميزاً يوم الخلايق تشابه
يالله ياللي بالسريرات عالم
في علم حق ودعوةً مستجابه
وان قامت وجيه الليالي تلاطم
واستنفرة ظلمه وخوف و غرابه
غنيت وهمومي بقلبي تنادم
لاواعنا القلب الجريح وعذابه
انس الهموم وقم دام الحظ قايم
ولا تضريها على ادناة هابه
واخذ القلم من دون كل المراسم
واكتب رساله تستحق الكتابه
سلم على اللي جعله يدوم سالم
سلامك اللي لا بدي ينبدى به
سلام عد ارعود نوناً ترازم
لارتم الناوي سحابه سحابه
وعد السيول اللي تدم وتزاحم
وتضم رحمة ربها مع عقابه
سلام تسليمة معزّه ياغانم
للصاحب اللي مابخلّ في صحابه
اللي جمع حسن الخلق والمكارم
واللي قرن علم الوفاء بالذرابه
اعد به مع خيرت اعيال ادم
بعد الرسل والانبياء والصحابه
ياغانم الدنيا شهور ومواسم
راحت على اللي مايحسّب حسابه
يوم اكثر الصدقان عوّد مزايم
لا اخطاك سوّه ما سلمت اغتيابه
والرابح اللي لا تمقل الاوادم
يلقى الرفيق اللي يعزز جنابه
يشد به ضهره يلا جاه لازم
ويامن به ويامن منه في غيابه
هذا انت يانسل الاسود الضياغم
متميزاً يوم الخلايق تشابه
واليا امتلى وجه الزمن بالندايم
والوقت كشر عن سنونه ونابه
وضاق الطريق وضاع وسط المزاحم
وكلاً على مابه سرت به ركابه
تبقى انت معلم غير كل المعالم
يزداد مع الايام زين وصلابه
واسمك طلع يعني بكل المعاجم
اللي يحوش الكسب وقت الحرابه
وهرجك كما الرقيه بوقت الطلاسم
يستشفي الخطّر ويجلى الكأ به
ظلمت غيرك وانت مانك بظالم
وسبيت من كل الرجال المهابه
لو امدحك بالشعر قاعد وقايم
ماقلت بك شعر الملل والرتابه
قلت القصيد المعتبر والملائم
اللي يليق بمدح ذيب الذيابه
وسلامتك وعفاك ياعم غانم
يالصاحب اللي مابخلّ في صحابه